ಎಮ್ಮೆ, ಆಡು ಮುಂತಾದ ಪ್ರಾಣಿಗಳ ಹಾಲಿನ ಗುಣಗಳು ಮತ್ತು ಮಹತ್ವ..!
![ಎಮ್ಮೆ, ಆಡು ಮುಂತಾದ ಪ್ರಾಣಿಗಳ ಹಾಲಿನ ಗುಣಗಳು ಮತ್ತು ಮಹತ್ವ..!](https://shikarinews.com/wp-content/uploads/2020/07/images-2020-07-02T070932.028-1.jpeg)
ಆಸ್ಪತ್ರೆ ರಹಿತ ಆರೋಗ್ಯಕ್ಕೆ ಆಯುರ್ವೇದ
ಇಂದಿನ ವಿಷಯ ಸ್ವಲ್ಪ ಬಳಕೆಗೂ, ಸ್ವಲ್ಪ ಕೇವಲ ತಿಳುದುಕೊಳ್ಳಲು ಮಾತ್ರ ಇದೆ.
ಹಿತಂ ಅತ್ಯಗ್ನ್ಯಂ ನಿದ್ರೇಭ್ಯೋ……………….ಮಾಹಿಷಮ್………………….ಅಜಂ………………………..ಉಷ್ಟ್ರಂ………..ಮಾನುಷಂ……………………..ಆವಿಕಂ……….ಹಸ್ತಿನ್ಯಾಃ………………….. ಏಕ ಶಫಂ……………ಜಡಕಾರಕಮ್||
-ಅಷ್ಟಾಂಗ ಹೃದಯ ಸೂತ್ರಸ್ಥಾನ, ಅಧ್ಯಾಯ-5/23-27
ಮಹಿಷ(ಎಮ್ಮೆ) ಕ್ಷೀರ:
ನಿದ್ದೆ ಬಾರದವರಿಗೆ ಶ್ರೇಷ್ಠ, ಆದರೆ ಜೀರ್ಣಶಕ್ತಿ ಇರದವರಿಗೆ ಸೂಕ್ತವಲ್ಲ.
![](https://shikarinews.com/wp-content/uploads/2020/07/images-2020-07-05T064215.759.jpeg)
ಅಜ(ಆಡು)ಕ್ಷೀರ:
ಅಲ್ಪಜಲಪಾನ ಮಾಡುವ ಮತ್ತು ಎಲ್ಲಾ ಕಹಿರಸದ ಗಿಡಗಳನ್ನೇ ತಿನ್ನುವ ಆಡು, ಅತ್ಯಂತ ಔಷಧೀಗುಣಯುಕ್ತ ಹಾಲನ್ನು ಕೊಡುತ್ತದೆ.
ಟಿ.ಬಿ, ತೀವ್ರ ಅಜೀರ್ಣ, ರಕ್ತಪಿತ್ತ, ಅಸ್ತಮಾ, ಅತಿಸಾರಗಳಲ್ಲಿ, ದುರ್ಬಲರಿಗೂ ಶ್ರೇಷ್ಠ.
ಉಷ್ಟ್ರ(ಒಂಟೆ)ಕ್ಷೀರ:
ಉದರಕ್ರಿಮಿ, ಮೂಲವ್ಯಾಧಿ, ಅಜೀರ್ಣ ಜನ್ಯ ಹೊಟ್ಟೆಯುಬ್ಬರದಲ್ಲಿ ಯೋಗ್ಯ
ಆವಿ(ಕುರಿ) ಕ್ಷೀರ
ಅಹಿತಕಾರಿ, ಹೃದಯರೋಗ ಉತ್ಪನ್ನ ಮಾಡುವುದು.
ಗಜ(ಆನೆ)ಕ್ಷೀರ
ಜೀರ್ಣಶಕ್ತಿ ಅತ್ಯಂತ ಬಲವಾಗಿದ್ದವರಿಗೆ ಇದು ಸ್ಥಿರತ್ವವನ್ನು ತರುತ್ತದೆ.
![](https://shikarinews.com/wp-content/uploads/2020/07/images-2020-07-05T065335.720.jpeg)
ಏಕ ಖುರ(ಕುರೆ, ಕತ್ತೆ ಒಂಟಿ..ಮುಂತಾದವು) ಪ್ರಾಣಿಗಳ ಕ್ಷೀರ
ಆಮ್ಲ-ಲವಣರಸ ಉಳ್ಳದ್ದು ಅತ್ಯಂತ, ಉರುಸ್ಥಂಭ ಎಂಬ ಅತ್ಯಂತ ಕಷ್ಟಕರವಾದ ರೋಗವನ್ನು ಚಿಕಿತ್ಸಿಸಲು ಈ ಒಂದು ಗೊರಸಿನ ಪ್ರಾಣಿಗಳ ಕ್ಷೀರ ಒಳ್ಳೆಯದೆಂದು ಹೇಳಿದ್ದಾರೆ, ನಾವು ಈ ತನಕ ಈ ರೋಗವನ್ನು ನೋಡಿರುವುದಿಲ್ಲ.
ಆದರೆ ಸೋಮಾರಿತನವನ್ನುಂಟು ಮಾಡುತ್ತದೆ ಎಂದೂ ತಿಳಿಸಿದ್ದಾರೆ.
![](https://shikarinews.com/wp-content/uploads/2020/07/images-2020-07-05T064651.780.jpeg)
ಸ್ತನ್ಯ(ಸ್ತ್ರೀ ಎದೆಹಾಲು)
ನೇತ್ರರೋಗಗಳಾದ ಕೆಂಪಾಗುವುದು(conjunctivitis), ಉರಿ(burning eyes), ಅಶ್ರುಸ್ರಾವ, ನೋವು, ಕೀವುಗುಳ್ಳೆಗಳು ಬಂದಾಗ, ನಿತ್ಯವೂ ಮೂರುಬಾರಿ ಸ್ತನ್ಯ(ಎದೆಹಾಲು)ವನ್ನು ನೇತ್ರಗಳಿಗೆ ಹಾಕಿಕೊಂಡರೆ ಅತ್ಯಂತ ಶೀಘ್ರ ಪರಿಣಾಮ ಎಂದಿದ್ದಾರೆ ಆಚಾರ್ಯರು. ಈ ಅಚ್ಚರಿ ಫಲಿತಾಂಶಗಳನ್ನು ನಾವು ಚಿಕ್ಕವರಿದ್ದಾಗ ಕಂಡಿದ್ದೇವೆ.
![](https://shikarinews.com/wp-content/uploads/2020/06/IMG_20200611_062841_053-1.jpg)
ಸ್ವಾಸ್ಥ್ಯಕ್ಕಾಗಿ-ಸ್ವಲ್ಪ ಬದಲಾಗಿ
ಡಾ.ಮಲ್ಲಿಕಾರ್ಜುನ ಡಂಬಳ
ಅಥರ್ವ ಆಯುರ್ವೇದ ಸಂಶೋಧನಾ ಸಂಸ್ಥೆ
ಶಿವಮೊಗ್ಗ-ದಾವಣಗೆರೆ
![](https://shikarinews.com/wp-content/uploads/2020/07/IMG_20200702_083841_353.jpg)
![](https://shikarinews.com/wp-content/uploads/2020/07/IMG_20200702_083838_002.jpg)
![](https://shikarinews.com/wp-content/uploads/2020/07/1593655158395-1024x682.jpg)