380ಕ್ಕೂ ಹೆಚ್ಚು ಬಿಹಾರ ರಾಜ್ಯದ ಜನರಿಗೆ ಅವರ ರಾಜ್ಯಕ್ಕೆ ಕಳುಹಿಸಿದ ತಾಲೂಕ್ ಆಡಳಿತ..!
![380ಕ್ಕೂ ಹೆಚ್ಚು ಬಿಹಾರ ರಾಜ್ಯದ ಜನರಿಗೆ ಅವರ ರಾಜ್ಯಕ್ಕೆ ಕಳುಹಿಸಿದ ತಾಲೂಕ್ ಆಡಳಿತ..!](https://shikarinews.com/wp-content/uploads/2020/05/IMG-20200524-WA0062.jpg)
ಶಿಕಾರಿಪುರ: ಸಾಗರ, ಸೊರಬ, ಶಿಕಾರಿಪುರ ತಾಲೂಕಿನ ವಿವಿದೆಡೆ ಕೆಲಸ ಮಾಡುತ್ತಿದ್ದ ಕಾರ್ಮಿಕರು, ಮದರಸಾದಲ್ಲಿ ಶಿಕ್ಷಣಕ್ಕಾಗಿ ಇದ್ದವರು ಸೇರಿ 380ಕ್ಕೂ ಹೆಚ್ಚು ಬಿಹಾರ ರಾಜ್ಯದ ಜನರಿಗೆ ಭಾನುವಾರ ಸಂಜೆ ಸರಕಾರಿ ಬಸ್ಗಳ ಮೂಲಕ ಹುಬ್ಬಳ್ಳಿಗೆ ಕಳುಹಿಸಲಾಯಿತು ಹುಬ್ಬಳಿ ಮೂಲಕ ರೈಲಿನ ಮೂಲಕ ತಮ್ಮ ರಾಜ್ಯಕ್ಕೆ ಹೊಗಲಿದ್ದಾರೆ.
![](https://shikarinews.com/wp-content/uploads/2020/05/IMG-20200524-WA0089-1024x473.jpg)
ಶಿರಾಳಕೊಪ್ಪ, ಶಿಕಾರಿಪುರದ ಮದರಸಾದಲ್ಲಿ ನೆಲೆಸಿದ್ದ 81, ತಾಲೂಕಿನ 17 ಶುಂಠಿ ಸ್ವಚ್ಚತಾ ಕೇಂದ್ರದಲ್ಲಿ ಕಾರ್ಮಿಕರಾಗಿದ್ದ 184, ಸಾಗರದಲ್ಲಿನ 136, ಸೊರಬ ತಾಲೂಕಿನ 52ಕಾರ್ಮಿಕರು ಸೇರಿ 380ಕ್ಕೂ ಹೆಚ್ಚು ಜನರು 17ಬಸ್ಗಳ ಮೂಲಕ ಹುಬ್ಬಳ್ಳಿಗೆ ತೆರಳಿದರು.
![](https://shikarinews.com/wp-content/uploads/2020/05/IMG-20200524-WA0080-1024x473.jpg)
ವಲಸಿಗರೆಲ್ಲರೂ ಸೇವಾಸಿಂಧು ಮೂಲಕ ಅರ್ಜಿ ಸಲ್ಲಿಸಿದ್ದು ಹುಬ್ಬಳ್ಳಿ ಮೂಲಕ ರೈಲಿನಲ್ಲಿ ಬಿಹಾರಕ್ಕೆ ತೆರಳಿದ್ದಾರೆ ಎಂದು ತಹಸೀಲ್ದಾರ್ ಎಂ.ಪಿ.ಕವಿರಾಜ್ ಹೇಳಿದರು.
ಅಧಿಕಾರಿಗಳಾದ ಶೋಭಾ, ಉಪತಹಸೀಲ್ದಾರ್ ಮಂಜುನಾಥ್, ವೃತ್ತ ನಿರೀಕ್ಷಕ ಬಸವರಾಜ್, ಪಟ್ಟಣ ಠಾಣೆ ಪಿಎಸ್ಐ ರಾಜುರೆಡ್ಡಿ ಸೇರಿದಂತೆ ವಿವಿಧ ಇಲಾಖೆ ಅಧಿಕಾರಿಗಳು ಇದ್ದರು.