ಶಿವಮೊಗ್ಗ :ಕರೋನ ಸೋಂಕಿನಿಂದ ಗುಣಮುಖರಾದ ನಾಲ್ಕು ಜನ ಮೆಗ್ಗಾನ್ ಆಸ್ಪತ್ರೆಯಿಂದ ಬಿಡುಗಡೆ..!

ಶಿವಮೊಗ್ಗ: ಕರೋನಾ ಸೋಂಕಿಗೆ ತುತ್ತಾಗಿ ಶಿವಮೊಗ್ಗ ಕೋವಿಡ್ ಮೆಗ್ಗಾನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ನಾಲ್ಕು ಮಂದಿ ಗುಣಮುಖರಾಗಿದ್ದು ಇಂದು ನಾಲ್ಕು ಜನರನ್ನು ಆಸ್ಪತ್ರೆಯಿಂದ ಮನೆಗೆ ಕಳುಹಿಸಲಾಯಿತು.

ಅಹಮದಾಬಾದ್ ನಿಂದ ಮೇ 10ರಂದು ಶಿವಮೊಗ್ಗ ಬಂದಿದ್ದ 9 ಜನರಲ್ಲಿ 8 ಜನರಲ್ಲಿ ಕರೋನಾ ಸೋಂಕು ಕಾಣಿಸಿಕೊಂಡಿತ್ತು. ಕೂಡಲೇ ಎಲ್ಲರನ್ನೂ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು ಈ ಎಂಟು ಜನರಲ್ಲಿ ನಾಲ್ಕು ಜನ ಗುಣಮುಖರಾಗಿದ್ದು ಅವರನ್ನು ಇಂದು ಮನೆಗೆ ಕಳುಹಿಸಿಕೊಡಲಾಯಿತು.

ಇದುವರೆಗೆ ಶಿವಮೊಗ್ಗ ಜಿಲ್ಲೆಯಲ್ಲಿ 34 ಕರೋನಾ ಪ್ರಕರಣಗಳು ಪತ್ತೆಯಾಗಿದ್ದು, ಅದರಲ್ಲಿ ನಾಲ್ವರು ಗುಣಮುಖರಾಗಿ ಇಂದು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಇನ್ನು 30 ಜನರಿಗೆ ಮೆಗ್ಗಾನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ನಾಲ್ಕು ಜನ ಗುಣಮುಖರಾದ ಹಿನ್ನಲೇಯಲ್ಲಿ ಡಿಹೆಚ್ ಓ ಡಾ.ರಾಜೇಶ್ ಸುರಗಿಹಳ್ಳಿ ಹಾಗೂ ವೈದ್ಯರ ತಂಡ ಚಪ್ಪಾಳೆ ತಟ್ಟುವ ಮೂಲಕ ಅಭಿನಂದನೆ ಸಲ್ಲಿಸಿ ಸಂತಸವನ್ನು ವ್ಯಕ್ತ ಪಡಿಸಿದರು

ಇಂದು ರಂಜಾನ್ ಹಬ್ಬ ಇರುವುರಿಂದ ಎಂಟು ಪಾಸಿಟಿವ್ ಪ್ರಕರಣಗಳ ಪೈಕಿ ನಾಲ್ಕ ಜನರು ಚಿಕಿತ್ಸೆ ನೀಡುವ ಮೂಲಕ ಫಲಕಾರಿಯಾಗಿದ್ದು ಗುಣಮುಖರಾಗಿದ್ದು ಈ ಹಿನ್ನಲೇಯಲ್ಲಿ ಇಂದು ನಾಲ್ಕು ಜನರು ಆಸ್ಪತ್ರೆಯಿಂದ ಬಿಳ್ಕೊಡಿಗೆ ನೀಡಿದ್ದು ಇಂದು ರಂಜಾನ್ ಹಬ್ಬದ ಇರುವುದರಿಂದ ಮನೆ ಸೇರಿರುವುದು ಸಂತದ ವಿಷಯವಾಗಿದೆ.

ನಾಲ್ಕು ಜನರು ಶಿಕಾರಿಪುರದವರಾಗಿದ್ದು ಅಹಮದಬಾದ್ ಗೆ ತೆರಳಿದ 9 ಜನರ ಪೈಕಿ ಶಿಕಾರಿಪುರದವರು 8 ಜನರಿದ್ದರು ಅದರಲ್ಲಿ ನಾಲ್ಕು ಜನರು ಇಂದು ಸೊಂಕಿನಿಂದ ಗುಣಮುಖರಾಗಿ ತಮ್ಮ ಮನೆಯನ್ನು ಸೇರುತ್ತಿದ್ಧಾರೆ.