ಶಿವಮೊಗ್ಗ-ಬೆಂಗಳೂರು ರೈಲು ಪ್ರಯಾಣಿಕರಿಗೆ ಗುಡ್ ನ್ಯೂಸ್..!
![ಶಿವಮೊಗ್ಗ-ಬೆಂಗಳೂರು ರೈಲು ಪ್ರಯಾಣಿಕರಿಗೆ ಗುಡ್ ನ್ಯೂಸ್..!](https://shikarinews.com/wp-content/uploads/2023/06/images-2023-06-09T122106.317.jpeg)
ಶಿವಮೊಗ್ಗ: ಮಲೆನಾಡಿನ ಶಿವಮೊಗ್ಗ ಹಾಗೂ ರಾಜಧಾನಿ ಬೆಂಗಳೂರು ನಡುವಿನ ರೈಲು ಪ್ರಯಾಣಿಕರಿಗೆ ಇಲಾಖೆ ಗುಡ್ ನ್ಯೂಸ್ ಕೊಟ್ಟಿದ್ದು, ಜೂನ್ 17ರಿಂದ ಹೊಸ ಮೈಲಿಗಲ್ಲು ಆರಂಭವಾಗಲಿದೆ.
![](https://shikarinews.com/wp-content/uploads/2023/06/YPR_-_SMET_ICE_28789914336-1024x768.jpg)
ಶಿವಮೊಗ್ಗಕ್ಕೆ ಈವರೆಗೂ ಡಿಸೇಲ್ ಇಂಜಿನ್ ರೈಲು ಸಂಚರಿಸುತ್ತಿತ್ತು. ಆದರೆ, ಜೂನ್ 17ರಿಂದ ಜಿಲ್ಲೆಯಲ್ಲಿ ಮೊಟ್ಟ ಮೊದಲ ಬಾರಿಗೆ ಎಲೆಕ್ಟಿçಕಲ್ ಎಂಜಿನ್ ರೈಲು ಸಂಚರಿಸಲಿದೆ ಈ ಕುರಿತಂತೆ ಆದೇಶ ಹೊರಡಿಸಿರುವ ನೈಋತ್ಯ ರೈಲ್ವೆ ಇಲಾಖೆ, ಜನಶತಾಬ್ದಿ ಸೇರಿದಂತೆ ಎರಡು ರೈಲುಗಳನ್ನು ಎಲೆಕ್ಟಿçಕಲ್ ಎಂಜಿನ್ ರೈಲುಗಳಾಗಿ ಪರಿವರ್ತನೆ ಮಾಡಲಿದೆ.
![](https://shikarinews.com/wp-content/uploads/2023/06/images-2023-06-09T122203.479.jpeg)
ಯಾವ ರೈಲುಗಳಿಗೆ ಎಲೆಕ್ಟ್ರಿಕಲ್ ಎಂಜಿನ್?
ಬೆಂಗಳೂರು-ಶಿವಮೊಗ್ಗ ನಡುವಿನ ಜನತಾ ರೈಲಿಗೆ ಎಲೆಕ್ಟಿçಕಲ್ ಎಂಜಿನ್ ಅಳವಡಿಕೆಯಾಗಲಿದೆ. ಜೂನ್ 17ರಂದು ಬೆಂಗಳೂರಿನಿಂದ ಹೊರಡುವ ರೈಲು ಎಲೆಕ್ಟ್ರಾನಿಕ್ ಇಂಜಿನ್’ನೊಂದಿಗೆ ಶಿವಮೊಗ್ಗಕ್ಕೆ ಬರಲಿದೆ. ಜೂನ್ 18ರಂದು ಶಿವಮೊಗ್ಗದಿಂದ ಹೊರಡುವಾಗ ಎಲೆಕ್ಟ್ರಿಕ್ ಎಂಜಿನ್ ಹೊಂದಿರಲಿದೆ.
![](https://shikarinews.com/wp-content/uploads/2023/06/images-2023-06-09T122106.317.jpeg)
ಯಶವಂತಪುರ – ಶಿವಮೊಗ್ಗ ಎಕ್ಸ್’ಪ್ರೆಸ್ ರೈಲಿನ ಇಂಜಿನ್ ಕೂಡ ಪರಿವರ್ತಿಸಲಾಗುತ್ತಿದ್ದು, ಜೂನ್ 17ರಂದು ಯಶವಂತಪುರ ದಿಂದ ಹೊರಡುವ ರೈಲಿಗೆ ಎಲೆಕ್ಟಿçಕ್ ಎಂಜಿನ್ ಅಳವಡಿಸಲಾಗುತ್ತದೆ.
ಮಧ್ಯಾಹ್ನ ಶಿವಮೊಗ್ಗಕ್ಕೆ ಬರುವ ರೈಲು ಎಲೆಕ್ಟ್ರಾನಿಕ್ ಎಂಜಿನ್’ನೊಂದಿಗೆ ಶಿವಮೊಗ್ಗದಿಂದ ಮರಳಲಿದೆ.
![](https://shikarinews.com/wp-content/uploads/2023/06/download-1.jpeg)
ಎಲೆಕ್ಟ್ರಿಕ್ ಎಂಜಿನ್’ನಿಂದ ಏನು ಪ್ರಯೋಜನ?
*ವಾಯುಮಾಲಿನ್ಯ ರಹಿತ
*ಶಬ್ದ ಮಾಲಿನ್ಯ ರಹಿತ
*ಸಾಮಾನ್ಯ ವೇಗಕ್ಕಿಂತಲೂ ಅಧಿಕ
*ಪ್ರಯಾಣದ ಅವಧಿ ಇಳಿಕೆ ಎಂದು ತಿಳಿಸಿದ್ದಾರೆ.